طالبہ اور اس کی ماں کی پٹائی رکن پارلیمنٹ رائچور کا بیٹا گرفتار

رائچور 20۔ دسمبر (اعتماد نیوز) طالبہ اور اس کی ماں پر فاحشہ ہونے کا الزام عائد کرتے ہوئے گھرمیں گھس کر دونوں کی پٹائی کرنے کے الزام میں رائچور کے رکن پارلیمنٹ ایس فقیرپا کے بیٹے اور اس کے 6 ساتھیوں کو قول بازار پولیس نے کل شب گرفتار کرلیا ۔ بتایا جاتا ہے کہ فقیراپا کے آبائی علاقے بلاری میں مقیم ان کے بیٹے اور اس کے 6 ساتھیوں نے بلاری کے جی



او کالج کی ایک طالبہ کے مکان میں گھس کر طالبہ کے علاوہ اس کی ماں سے گالی گلوج کی ۔ انہوں نے فاحشہ ہونے کا الزام لگاتے ہوئے ان کی پٹائی کردی ۔ طالبہ اور اس کی ماں نے قول بازار پولیس میں اس سلسلہ میں شکایت درج کروائی ۔ اس کے بعد پولیس نے فقیرپا کے بیٹے اور اس کے 6 ساتھیوں کو گرفتار کرلیا ۔ یہ بات ضلع ایس پی بلاری ڈاکٹر چیتن سنگھ راتھوڑ نے بتائی ۔